ما هو علاج التهاب وتر الابهام حيث أعانى من وجود ورم فى الإبهام ؟

السلام عليكم ، أنا أحمد من مصر وعندي 25 سنة ، ما هو علاج التهاب وتر الابهام ؟ حيث كان وقع عليا باب حديد وصباعي الإبهام في اليد اليسرى ورم وحصلي إصابات في رجلي وإيدي بس الحمد لله ، حطيت مرهم لصباعي وتاني يوم الورم راح فكسلت أروح لدكتور بس بعد حوالي خمسة أسابيع كان لسة صباعي واجعني ومبقدرش أتنيه خالص فرحت لدكتور وعملت إشاعة فقالي إنه كان فيه شرخ وكان المفروض يتجبس وكتبلي على مرهم Maxi Care وبرشام Aphintern وبرشام Mexicam واستخدم Thumb support ورحتله بعد أسبوع إستشارة يعني وقالي استخدم كمان علبة من Alphintern وخلاص على كدة
أنا بقالي حوالي 3 أسابيع بستخدم الأدوية دي والوجع خف شوية بس لسة مبقدرش أتنيه خالص ولو حاولت اتنيه يوجعني جداً ، فهل حفضل طول حياتي مبقدرش أتني صباعي ، وأسف كمان على الإطالة وشكراً مقدماً .