سرطان الدم (لوكيميا ) AML

السلام عليكم ورحمة الله وبركاته
والدتى تبلغ من العمر 60 عام ظهر عندها المرض ده المسمى بسرطان الدم اللوكيميا AML فى بداية شهر 7 /2016 قبل هذا الشهر ب 20 يوم كانت على موعد من التخلص من فايرس سى وقمنا بعمل تحليل BCR والحمد الله انتها من عندها بعد 6 شهور من الجرعات المهم ظهر المرض التانى ده ودخلت معهد الاورام واتحجزت فيه بعد ماعملت تحليل اسمه بازل وكانت نتيجته 38%
فدخلنا المعهد وابتدى العلاج فى اول جرعه اخدتها كانت عباره عن حقن تحت الجلد وبعدين عملنا بازل بعد 21 يوم لقينا النسبة بقت 50% بعد كده اخدت جرعه تانية وكانت عباره عن كيماوى يؤخد بالوريد لمدة 5 ايام وباقى ال 21 يوم عباره عن دم وصفائح دموية والمضاد المضاض الحيوى طبعا ومحاليل وبعد ما وصلنا 21 يوم على الجرعه التانيه عملت بازل تانى وكانت نتيجته 32% طبعا الجرعه كانت مصحوبه بسخونيه بتوصل احيانا 39 ونص فى بعض الايام وكمان قيئ متكرر وكانت اتعرضت لنزلت برد فى الوقت ده قصرت على صدرها وحصل ديق فى التنفس وكانت بتركب اكسجين وحاجه كده بتضاف سائل اسمه بالمكورت وكمان حاجه بس مش متذكر اسمها
وبعد الجرعه التانيه دى ونتيجة البازل ال 32% اخدت كمان جرعه وبردوا كانت نفس الاعراض ونقل الدم والصفائح وكان بيتعمل تحليل يومى CBC او صورة دم وكانت فى الاول بتظهر حاجه اسمها BLASTS يعنى خلايا سرطانيه فى التحليل ده بنسب وصلت 30 و 40 % وبعد الجرعه ال 3 مابقتش تظهر اى خلايا وكل النتائج كانت سلبيه BLASTA =0 وخرجنا بعد ما الدكتور شاف الكلام ده وابتدينا فى المتابعه الدوريه كل 21 يوم عشان تاخد جرعه لمده 5 ايام بالمعهد وتروح كل يوم وتظهر الاعراض العاديه مثل السخونه والقيئ والغثيان واوجاع العظام
وبعد مدة 3 شهور ونصف بعد الخروج رجعت تانى تظهر فى التحاليل BLASTS 66% ودخلت تانى المعهد واتحجزت ياريت يا دكتور تطمنى ايه المفروض يحصل بعد كده وهل فى خطورة بالوضع ده
مع العلم ظهر مرض السكر فى اثناء وجدها بالمستشفى فى المره الاولى اثناء الجرعه ال 3