أضف إجابة
يجب عليك تسجيل الدخول او التسجيل لتستطيع اضافه إجابة .
الم بالخصية اليمنى
سؤال
انا شاب عندى 22 سنة … .. منذ حوالى سنتين حسيت بالم مستمر فى الخصية اليمنى … و حجمها ازيد شوية من اليسرى .. و ايضا متدلية لاسفل ازيد من اليسرى فرحت لدكتور تناسلية .. و كشف عليا و قاللى احتمال 90 % يكون احتقان عادى و كتبلى على اشعة دوبلر و عملتها و كانت النتيجة ان مافيش عندى حاجة و رجعت للدكتور و قاللى انه مجرد احتقان عادى.. كتبلى على دواء اسمه دافلون 500 …المشكلة ان الالام بدأت تجيلى تانى و كمان ملاحظ ان فعلا … الخصية اليمنى اكبر و متدلية اكتر من اليسرى و كمان لما بفحصها بايدى بدقة بلاقى ان فيها حاجة زى كورة او جسم صغير لاصق فيها من فوق و واضح … و الكلام دة من سنتين لحد دلوقتى فبصراحة الموضوع عامللى قلق جامد و شكرا
إجابات ( 3 )
مرحباً اخي الفاضل ،
هناك احتمال ان تكون مصاب بدوالي الخصية و هي مشكلة تحدث فى بعض الأحيان للشباب و قابلة للعلاج ان شاء الله .
يجب فحص الخصية طبياً للتأكد و الوصول للتشخيص النهائي و مناقشة الخيارات الجراحية لعلاجها ، لأختيار الأنسب لحالتك حيث أن علاجات دوالي الخصية تشمل الجراحة العادية و المنظار .
للأطلاع على بعض اهم الأسئلة بخصوص دوالي الخصية ننصحك بمراجعة هذا المقال : https://estisharty.com/articles/a-841
مع خالص تمنياتنا بالشفاء العاجل ان شاء الله .
تمام كدة … متشكر لحضرتك جدا
بس مش المفروض ان لو فيه دوالى يا دكتور كانت هتظهر بالكشف عند الدكتور او فى اشعة دوبلر ؟
مع العلم ان عندى ملحوظة
ان فى كلا الحالتين ( الكشف + الاشعة ) كانت الخصية منكمشة للداخل بسبب برودة الجو فى العيادة و غرفة الاشعة .. فهل ممكن يكون الاتنين اخطأوا فى التشخيص ؟؟؟
اسف على الاطالة بس فعلا الموضوع دة قالقنى جدا لانى لسه شاب و خايف جدا من الموضوع دة انه يسبب حاجة تخص القدرة الجنسية او الانجاب
و شكرا
نعم أخي الكريم ،
كل اختبار طبي او فحص له نسبة خطاً ، كما أنك تقول انك قمت بهذا الفحص من سنتين ولابد ان الوضع اختلف و تطور على مدار السنتين .
لذا سوف تحتاج لأعادة الفحوصات مرة أخرى .
بإذن الله لا داعي للقلق المبالغ فيه ، حيث أن هذه المشكلة قابلة للعلاج .
مع تمنياتنا بالشفاء العاجل ان شاء الله .