السلام عليكم ورحمة الله وبركاته .. أنا

السلام عليكم ورحمة الله وبركاته ..
أنا يادكتور صاحب الاستشارة رقم 16434 و 16353
بفضل الله أنا النهارده و أمبارح بدءت أشعر بأن الالم فى الخصية قل كثيرا عن قبل الحمد لله ..

أما الاهم من ذلك أنى روحت لدكتور تانى عشان أطمن لان حضرتك قولتلى أحتمال أكون عندى أحتقان بالبروستاتا .. و لما روحت للدكتور و كشف عليا وقفنى ادامه بجنبى و مسك الخصية الشمال و ضغط عليها طبعا انا أتألمت قاللى خلاص البس و لاقيته بيقولى عندك دوالى على الخصية و لازم عمليه قولتلو أزاى يادكتور كل الاشاعات والتحليل بيقولو انى سليم تماما و الالم ده أكيد من حاجه تانيه قاللى لا أحيانا الدكتور اللى بيعمل السونار مبيكونش عنده خبره كافيه فمبيقدرش يظهر كل حاجه فى الاشاعه قولتلو أزاى ده دكتور السونار قعد حوالى 20 دقيقه تقريبا بيدور على أى حاجه مش لاقى لدرجة أنه عشان يتأكد قومنى وقفت عشان يتأكد أكثر قاللى عموما هو ده التشخيص اللى أنا شايفه و الحريه ليك ومشيت .. فـ أنا مش عارف دلوقتى هل ممكن السونار ميبانش فى الدوالى لو كانت عندى بالفعل ؟ كمان الدكتور الأولانى كشف عليا بطريقه غير الدكتور ده خالص كان موقفنى أدامه و بيمسك كل خصيه على حدى و يطلب منى أودى دماغى ناحية الشمال و أكح أنما ده مجرد أنه مسك الخصية الشمال و ضغط عليها قالى دوالى فأنا بصراحه مبقتش عارف أصدق مين فيهم و الاشاعات كمان معقول مش مبينه ؟ طب ماهو الألم قل خالص عن الاول يبقى أزاى دوالى .

طب هل الدوالى بتسبب الم مستمر فى الخصية و الا بيزول بعد أيام ؟

أرجوك يادكتور عاوز نصيحتك هل أعمل الاشاعات من اول وجديد تانى فى مكان أكثر ثقه و الا ايه ..
لانى خايف أهمل و أقول خلاص بقيت كويس و الامر يتفاقم ..