السلام عليكم انا عندي مشكلة بسرعة

سؤال

السلام عليكم
انا عندي مشكلة بسرعة ضربات القلب..كنت اعاني منها وعمري 16 سنة بس كانت تحدث متقطعة رحت على دكتور قلب وحكالي انه الوضع سليم وطلب فحص للغدة الدرقية وعملته وما طلع شي الحمد لله
هلا الحالة رجعت قوية كتير وكل يوم بتصير معي وبتتأزم اكتر بعد الاكل
قبل 7 شهور صارت معي فجأة وقوية جدا وصل معدل الضربات ل 180 ضربة وحسيت حالي بدو يغمى علي ولساني تقل بطلت قادرة احكي اي كلمة..وبرودة بالاطراف وبعدها قشعريرة استمرت الحالة لشي ربع ساعة

هلا رجعت لدكتور القلب بعدها وصفلي دوا تركيبته propranolol hydrochloride 10 mg
حبة الصبح وحبة المسا..المشكلة انه باخد الدوا وما في اي تحسن 🙁

قبل شهرين رجعت صارت معي الحالة بس اقوى بكتير لدرجة حسيت القلب طلع من مكانه..وضيقة تنفس رهيبة وحسيت بدوخة وكان ضغطي واطي كتير
الاطراف تنملت اول شي ايدي اليسار بعدين بقية الاطراف..بعدها ب 5 دقايق الاطراف تشنجت واستمرت لمدة 4 دقايق تقريبا..وصار وجع غير طبيعي بعيوني حسيت تحت عيوني بتشنج وطبعا سرعة الضربات قوية متل ما هي

رحت المستشفى حكولي ما في شي ورجعو اعطوني نفس الدوا وما استفدت..عجزت والله اتمنى تفيدوني الله يبارك فيكم

إجابات ( 3 )

  1. مرحبا أختي الفاضلة ,

    نرجو منكي رفع صورة لتقارير الاشعة والتحاليل على أحد مواقع الرفع , وامدادنا بالرابط لنتمكن من افادتك بشكل سليم .

    تحياتي .

  2. انا التقارير كلها بقيت عند الدكتور
    رح اعيدها هالاسبوع ان شاء الله..اعمل تخطيط القلب وتحليل الغدة الدرقية؟
    وفي تحاليل تانية لازم اعملها؟؟

  3. مرحبا أختي الفاضلة ,

    في انتظار التقارير , ويفضل اجراء تحليل صورة دم كاملة .

    تحياتي .

‫أضف إجابة