لدي طفل عمره 3سنوات و8شهور ولد ولادة

لدي طفل عمره 3سنوات و8شهور ولد ولادة طبيعية رضاعة طبيعية الى عمر السنتين سنن بالوقت وحبى ومشى بالوقت  هو ابني البكر نطقه متأخر فهو لا يتواصل ولا يكون جمل مقارنة بمن في سنه يفهم الاوامر مثل تعال اجلس هات الكرسي كل اعطيني ماء او منديل اذا جاع يقول تبي همي اذا اراد عصير يقول تبي عصير يعرف بعض اسماء الخضار مثل بطاطس طماطم خيار بروكلي الفواكه يعرف افوكادو العنب البرتقال تفاح هو عادة يعرف الاشياء اللي هو يحبها بالنسبة للحشرات يعرف العنكبوت نمل (صرصور) الحيوانات يعرف الفيل القط الكلب الدولفين السمكة  العصفور   يحب الالعاب الالكترونية  (wii) يحب لعبة السوبر ماريوو والبوكس البولينق  (xbox)يحب يشتري العاب الشخصيات الكرتونية اللي يتفرج عليها (جامعة المرعبين حكاية لعبة سنافر قراصنة الكاريبي ) يحب العاب الشخوص يمسك شخصيتين يخليهم يتصارعو مع بعض او كانكم يكلمو بعض بكلام غير مفهوم  بالنسبة للايباد فهو معاه من سن صغير يتفرج على فديوهات كرتونية بمختلف اللغات  ولما يكون يلعب يردد الاشياء اللي سمعها في الافلام اذا كنا نتحدث انا ووالده لا يفهم الحديث اللذي يدور بيننا اذا كنا بنطلع اقوله جيب جزمتك يجيبها ويجري عند الباب اذا ابوه طلع وما اخده معاه يجلس يبكي يحب السباحة كثير ويحب لعب كرة القدم في الملعب يحب اني العب معاه بالعابه انا ما كنت اتواصل معاه وهو صغير كنت جاهلة هالموضوع وقلة درايتي بلامر واني وحيدة بهالبلد  مالي اختلاط مع ناس فابني ما اختلط مع اطفال وهو صغير زيادة على ذلك ادمن على الكمبيوتر اللوحي بعمر صغير فكان لما يطفى الجهاز يرميه الين تتكسر الشاشة مرة كان يتفرج وطفيت الانترنت وجاب لعبة وضرب الشاشة انكسرت ابوه ابدا ما يرفض له طلب اي شي يجيب له  ما يعرف اش الشي اللي يصلح له واللي لا ولما اكلمه او اناقشه يقول عادي و يقول اني ما اشيل عنه الايباد  الان لما اخده لحديقة يشوف اطفال يلعبو يروح يضربهم والا يرمي عليهم تراب لما تكون جمعة مع اهل زوجي يضرب الصغار ويدفهم  ويفرح لبكائهم ولما اصارخ عليه واقوله عطيهم بوسه وقول اسف يقول اسف ويعطيهم بوسة وبس اغيب عنه يضربهم  عنده اخ الان عمره 8 شهور مرة يضمه ويبوسه ويلعب معاه ويناديه ومرات يحاول يضربه واذا ضربه ابوه يضربه وذا ضربه ينفعل زيادة ويعصب اما اذا شاف ابوه شايل اخوه الصغير يصير يبي يضرب اخوه ويضرب ابوه ويعصب ويرفسهم برجليه واي شي يشييله ويرميه عليهم  اذا جونا اطفال ما يحب يلمسو العابه  اذا سالته ما اسمك لا يعرف مع اني حاولت اعلمه وهولا يريد يتعصب ويصرخ لم يناديني ابدا بماما ولم ينادي اباه مع العلم اذا اتى اباه من العمل اقول له بابا جاء ويضحك ويركض يختبئ اذا رحنا سوق او ملاهي بس يجري يجري ولا يخاف يضيع من كم شهر كنا بحديقة كبيرة وبها نهر اسطناعي والعاب اطفال لهينا نتكلم جينا نشوف ما لقينا الولد راح للالعاب يلعب عادي ما يبكي اذا ضاع ولا شئ احس انه ما يخاف اذا احنا معاه او لا مرة كنا بمستوصف على الشارع العام فتح الباب وراح يجري لشارع عند السيارات حمد الله مسكناه يحب الضم واذا ناديناه يلتفت لنا  بالنسبة لنوم تعبت عشان اعدل نومه فهو ينام طول النهار ويسهر طول الليل اشتريت له فيتامينات ولكن لا يحب الدواء بصفة نهااائية حركته زائدة اذا اراد شئ يعبر عنه بالعنف اذا اراد شراء لعبة او شي ورفض ابوه يبكي بشدة ويضرب ابوه ويعضه بالشارع وبالبيت لو ابوه نايم وهو بغى شي منه ما يعرف يقول اريد يجيب العابه ويرميها على ابوه عشان يقوم ويلحقه ويلبي طلبه بالنسبة للحمام جيت اعلمه لما يشيل سرواله ويضل عاري يعرف يروح يعملها بالقصرية وينظف القصرية بس اذا لبسته سروال يعملها على نفسه وكم مرة يتبرز ويلعب في برازه ويملي ايده ويجيني ركض عشان اغسله  واعاتبه ويعيدها الان صاير مثل البغبغان اي كلمة نقولها يعيدها ورانا  اريد مساعدة او حل لهذا الكفل لان اتعبتني تصرفاته وقلة كلامه مقارنة مع باقي الاطفال هل من الممكن ان يكون عنده توحد؟؟