أضف إجابة
يجب عليك تسجيل الدخول او التسجيل لتستطيع اضافه إجابة .
سلام عليكم معلش استحملونى شوية وجزاكم
سؤال
سلام عليكم
معلش استحملونى شوية وجزاكم الله خير مقدما فى شهر رمضان قبل الى فات 2014 قمت من النوم فجاة حسيت بالم فى صدرى ودوار المهم روحت لدكتور باطنى قالى عندك شبة قرحة فى المرى اخدت ادوية زى بانتلوك 40 وزنتاك وجاروبريد ودوجماتيل واستمريت عليهم حوالى 20 يوم وكنت كويس وفجاة وبدون مقدمات لقيت سخونية فى ضهرى وبرجع ومعدتى مش مستريحة المهم عملت منظر وطلع عندى ضعف فى عضلة للمرى سببت ارتجاع مرى وحموضة المعدة عالية ورحت لدكتور جهاز هضمى قالى عندك دهون على الكبد وكلام فارغ وقالى لازم الدهون تنزل وكتبلى على دواء اسمة استريس بتاع زنك ودوا تخسيس تانى اسمة اوميجا 3_6_9 ودوا لارتجاع المرى اسمة دونوبرازول وقالى استمر شهرين المهم فجاة وبدون مقمات بدات اتعب تانى وحصلى ترجيع وارق شديد فى النوم وسخونة فى ضهرى تقومنى من النوم ونيجى بقى للاهم هو ظهور طبقة بيضاء شديدة على لسانى روحت ل2 دكاترة باطنى وقالولى دة ضعف مناعة وانت مش بتاكل عشان الدكتور الجهاز الهضمى كان مماشينى على اكل تقريبا كلة مسلوق لمدة شهرين فقالولى استخدم دكتارين جل مانفعش المهم فى لاخر الموضوع طلع عندى مشكلة نفسية واتعالجت عند دكتور نفسى كان عندى اكتئاب والادوية دية كلها باخدها غلط وروحت لدكتور اسنان قالى مفيش حاجة فى لسانك وان الطبقة دية عادى مش فطريات ولا حاجة طبعا كنت بشرب سجاير وكنت بلاحظ ان لسانى بيبض اكتر وبلاقى طعم مش حلو فى الفم طبعا انا ماكنتش بشرب سجاير على طول انا شربتها من فترة علاجى النفسى يمكن حوالى 8 شهور والطبقى البيضة موجودة برغم ان الاكتئاب راح المهم قولت من اسبوع ابطل السجاير الحقيقة الطعم المعدنى راح والطبقه البيضا خفت كتير وانا مصور لسانى النهاردة فاعوز اعرف بعد كل الى مريت بية دة السان كدة عادى ولا لانى قريت ان السان لازم يكون لونة وردى باهت فهل دة كدة عادى ولا اعراض مرض خطير لاقدر الله زى سرطان السان ولا اية معلش طولت بس حبيت اعرض الموضوع كلة
إجابة ( 1 )
مرحبا أخي الفاضل ,
الأسباب التي قد تؤدى لظهورهذا الغطاء تنقسم لجزئين :
أولاً : تغطى اللسان الطبيعى نتوءات كأصابع اليد تعرف باسم papillae يؤدى إصابتها بإلتهاب وتجمع البكتيريا والخلايا الميتة فيما بينها إلى هذا اللون الأبيض وقد يحدث هذا نتيجة :
1- إصابتك بالجفاف.
2- جفاف الحلق .
3- الإستخدام المفرط للكحوليات الذي قد يؤدي لإصابتك بسرطان الفم .
4- إرتفاع درجة الحرارة .
5- التدخين .
ثانياً :على جانب أخر قد يكون سبب البقع على اللسان :
1 – تأثير جانبي لبعض الأدوية .
2 – اللسان الجغرافي (هو نوع من الإلتهابات يغطى اللسان مظهر كمظهر الخريطة ).
3 – البقع اللسانية البيضاء (الطلاوة) leukoplakia و التي تعتبر أحياناً بدايات سرطانية .
4 – الحزاز المسطح الفموي (oral lichen planus ) وهو مرض جلدي مزمن قد يصيب الفم في بعض الأحيان
5 – الزهري وهو إصابة بكتيرية تنتقل بالممارسة الجنسية ، و تظهر أعراضة المختلفة في صورة مشاكل جلدية و قد يتأثر بها اللسان .
في معظم الأحيان اللون الذي يكسو اللسان لا يعنى الكثير فهو غير ضار يختفى بتفريش اللسان وشرب الكثير من السوائل .
لذا فان تحسن حالة اللسان مع التوقف عن التدخين يرجح ان الطبقة البيضاء بسبب التدخين , وسوف تتحسن مع التوقف عن التدخين .
مع تمنياتنا بدوام الصحة والعافية .