تأخر الدورة بعد سيكلوبروجينوفا أنا

تأخر الدورة بعد سيكلوبروجينوفا
أنا سيدة متزوجة منذ ثلاث سنوات ولم يحدث حمل أنا الحمد لله الدورة عندى منتظمة والحمد لله معنديش تكيسات وكل حاجة تمام ودايما بتنزل فى اليوم 27 بس اخر شهر نزلت فى 26 روحت للدكتور قالى مش مشكلة يوم بس لقى بويضة راكنة من الشهر ال فات فى المبيض منزلتش حجمها 23مل ولقى بويضة جديدة حجمها 16 مل وده كان لسه فى اليوم ال 3 من الدورة حتى هو استغرب ومكنتش واخدة منشطات ولا اى حاجة المهم كتبلى على سيكلوبروجينوفا وقالى ابدا فيه من اليوم ال 3 وبالفعل وخلصته اليوم ال 23 يعنى يوم التلات 14/7 المفروض بقى ان الدورة كان ميعادها اليوم ال 27 يعنى يوم السبت 18/7 منزلتش لحد دلوقتى التلات 21/7 يعنى انا مبطلاه من اسبوع والدورة ميعادها من 3 ايام ولسه منزلتش وعملت تحليل منزلى اليوم الثلاثاء 21/7 بعد تأخر 3 ايام وظهر خط واحد يعنى مفيش حمل مع العلم اشعر من اليوم 27 فى الدورة بألم ناحية المبيض الأيسر يذهب ويجئ ولكنه ليس مستمر وأحياناً المبيض الأيمن

مع العلم انا دورتى منتظمة والحمد لله يعنى معتقدش الدكتور كتبهولى علشان تنظيم الدورة والحمد لله معنديش تكيسات فبالتالى اكيد مش كاتبه علشان التكيسات وانا نسيت اساله كتبه ليه

والدكتور كان قايلى لو محصلش حمل الشهر ده اروحله اليوم التانى فى الدورة علشان نعمل تلقيح صناعى وزوجى مسافر يوم 8/8 يعنى تقريبا بعد 18 يوم فعايزة لو مكنش حصل حمل تنزل الدورة فى اقرب وقت علشان نلحق نعمل التلقيح قبل ما يسافر

هو العلاج ده بيأخر الدورة عن ميعادها والدورة بتنزل بعد كم يوم من التوقف عن العلاج ده علما بانى بدات فيه من اليوم التالت مش الخامس وخلص معايا فى اليوم ال 23 مش ال 25
يعنى عايزة اعرف دلوقتى ممكن الدورة تنزل بعد كم يوم من توقف العلاج او تتأخر كم يوم عن ميعادها وهل لو هتتأخر اكتر من اسبوع الافضل اخد حاجة تنزلها علشان نلحق نبدا فى التلقيح قبل موعد سفر زوجى؟
ولكم جزيل الشكر