بنتي سليطة اللسان

السلام عليكم، انا أم لثلاثة أطفال ابنتي الكبري عمرها ١٣عام ،نعيش بألمانيا منذ ولادتها ، كانت ابنتي طبيعيه جدا لحد من سنه تقريبا بدأت تتعصب كتير بسبب وبدون سبب،تتلفظ بأبشع الألفاظ أنا شخصيا عمري ما احاول حتي اسمع تلك الألفاظ ،وتتفنن في الشتايم عربي والماني وأراها سعيده حين تسب أخواتها وتقول لي انا أحب الشتيمه خليني ع راحتي ،الاول كنت اخدها باللين وافهمها انها بنت وعيب وحرام تلك الألفاظ وأبوها تعب فيها يقول لها مايصح انك تعملي كذا وتقولي كذا لكن من دون فايده ،دلوقتي قالي اتصرفي إنتي انا تعبت فبها -انا تعاملها بكل هدوء وهي تتنطط وتقولي إنتي بارده كده ازاي، هي عنده لأبعد حد ورفضه واقعها وشكلها ولبسها
وعديمة الثقه بنفسها بالرغم انها جميلة جدا وانا احاول افهمها عكس ذلك واحاول تدعمها واروع الثقة فيها لكن دون جدوى، ايضا أحب زرع الفتنه بين أصحابها وهذا الشيء ازعجني سألتها ليه بتعملي كده وتكرهي اصحابك ف بعض قالت انا هاموت من الغيره منهم كلهم احلي واشيك مني وانا شكلي وحش وزي القرف، مع العلم ان كل ده غير صحيح بالمره،بصراحه انا فاض بيا الكيل الموضوع تطور وسبتني انا نفسي بكلمه سيئة جدا ،تمالكت أعصابي وتحاملت حتي لا اضربها والناس تتفرج علينا ،قلت استشير ناس ذو خبره اعمل معاها ايه ،فهي دماغها كالحجر أنا قررت اني مااتكلم معاها كلمه واحده لحد ماتعترف بخطئها والشيء ده مجننها ،اتصرف ازاي