أضف إجابة
يجب عليك تسجيل الدخول او التسجيل لتستطيع اضافه إجابة .
انا عندي مشاكل انا وجوزي بس تكرار
سؤال
انا عندي مشاكل انا وجوزي بس تكرار الكذب عليه وكل مره بيحلف فيها وبعد كده بيطلع كذاب والموضوع ده بيتكرر وكل مره بعد ما ارجع احسن من الاول وانسي يرجع يبوظ علاقتنا بتكرار نفس المشكله وبرضوه هيكدب لحد ماوصلني اني خلاص اعصابي تعبت منه واسلوبي اتغير معاه كتيييير وبقي اسلوبي وحش وده مضايقني جدا والاكتر اني عندي بيبي عندها سنتين بتعصبها عليها اووي وبخرج عن شعوري ووقت العصبيه مش بحس بنفسي ولا بعلو صوتي ومش بقدر اتحكم في نفسي وفي صراخي وبحس ان جسمي كله بيرتعش وضربت قلبي بتزيد وبحس بهبوطوبشعر دائما اني مش عايزه اقوم باي واجباتي كربة منزل ولا قادره اتحمل بنتي البيبي وبعد كده برجع اقول حراام هي مالهاش ذنب وباخدها في حضني وببكي كتيييير وبندم علي كده معاها بس شويه وبرجع اتعصب تاني علي اتفه الاسباب وبشكل هستيري حاسه اني عايزه اكون لوحدي وفي هدوووء طول الوقت وللعلم انا ما كنتش كده خالص وديه مش شخصيتي خالص انا مستغربه نفسي جدا بس انا عارفه ان هو السببب صدمني فيه كتييييير اوي مع اني ما استهلش منه كده مش عارفه هو ليه بيعمل كده معايا وفي عدة مرات بتعب وباشعر بتنميل في الجزء الشمال من وشي ولساني بيتقل وبحس بالم في وشي بمجرد الضغط عليه وهو عارف كده كويس وبرضوه بيكرر اخطاءه
انا مش عارفه اعمل ايه انا حاسه ان عمري بيتسرق مني وانا واقفه في مكاني وحالتي بتتاخر
ارجووووووووووووووووووووووو الرد انا بجد تعبانه
إجابات ( 4 )
انا حبيت اضيف اني بقيت طول الوقت مش عايزه حاجه غير اني اقعد لوحدي في هدوووء ومش بحب اكلم حد يعني التليفونات واصحابي مش برد عليهم حتي المكالمات المهمه برد غصب عني وببقي مخنوقه وعايزه اقفل
حتي اللعب مع بنتي الي كنت بحب العبه خلاص ما بقتش احب اعملها اي حاجه غير اني اصرخ فيها
مرحباً اختي الكريمة ،
نرى انك بحاجة لمراجعة طبيب نفسي بشكل ضروري و عاجل لمساعدتك على تقييم المشكلة نفسياً بشكل تفصيلي كامل .
و على هذا الاساس سوف يمكن مساعدتك من خلال بعض الادوية المؤقتة و جلسات المساعدة النفسية التي تساعدك على التخلص من هذا التوتر و الضغط العصبي الزائد الناتج عن تخييب ظنك في زوجك .
تذكري : طلب المساعدة النفسية التفصيلية في هذه الحالة هو حق عليك تجاه نفسك و تجاه طفلتك التي ستتضرر بشدة من بقاء هذه المشكلة لديك لفترات طويلة لا قدر الله .
على جانب أخر عليك ألا تتحملي هذه المشاكل وحدك و ان تشركي معك كل من أهلك و أهله من اجل ان يجدوا حل لأخطاؤه يضمن عدم تكرارها او اتخاذ اجراءات اخرى تضمن كرامتك في حال لم يفلح اصلاح الاخطاء .
و نرحب بأي استفسارات تفصيلية منك و نتمنى ان يقدرنا الله على مساعدتك قدر امكاننا لتخطي هذه الأزمة و الابتلاء .
مع تمنياتنا بصلاح الأحوال و السعادة في حياتك .
للاسف اني دخلت اهلي واهله كذا مره ومع ذلك يكرر اخطاؤه وعلي الرغم من ذلك كنت بقولهم مشاكل وانه عصبي وما كنتش بقول علي اخطاؤه الحقيقيه خوفاً علي شكله قدام اهلي واهله ومع ذلك هو لم يقدر ذلك ومع اني كنت بواجهه باخطاؤه بدلا من ان يصالحني لا يتركني ممكن لشهر انا وهو في بيت واحد مش بنكلم بعض بشتغله خدامه في البيت لحد ما انا الي اوصل لاخري واطلب منه الطلاق ساعتها ممكن يعتذر ويصالحني لكن مش بيجي من نفسه وهو عارف انه غلطان
ولو سمحت انا عايزه اعرف مكان لدكتور نفسي كويس
كان الله في عونك . نقدر جيداً شعورك بالظلم و هضم حقك ، لكن فقط ما نرجوه منك هو أن تحرصي بكل طريقة ممكنة على عدم ظلم ابنتك الصغيرة لأن توجيه غضبك ناحيتها سيؤثر عليها بشكل عميق للغاية و هو ما لا ترضيه انتي بالتأكيد .
للأسف خدمة الاستشارات في الوقت الحالي لا تتضمن قاعدة بيانات بعيادات اطباء او مراكز طبية ، لذا ننصحك ان تستفسري من معارفك عن طبيب نفسي ذو سمعة جيدة و اللجوء لمساعدته في اقرب وقت حتى تتمكني من ترتيب اوراقك بشكل سليم و التفكير في افضل حل لهذه المشكلة .
مع تمنياتنا بالصحة و العافية .