أضف إجابة
يجب عليك تسجيل الدخول او التسجيل لتستطيع اضافه إجابة .
انا عندى مشكله مضيقانى خالص انى وانا
سؤال
انا عندى مشكله مضيقانى خالص انى وانا صغيره عانيت من الاهمال الشديييد انا اصغر واحده فى اخواتى واحنا 7 اخوات ..كنت مهمله .. امى ماكنتش بتهتم بيا خالص وكنت بحس ان مافيش حد بيحبنى و حولت انتحر وانا طفله بس اتراجعت على اخر لحظه يعنى ولعت نار فى هدومى وبعد كده طفيطها ..ولما رحت قولت لامى عادى مافكرتش انا عملت كده ليه كل اللى قالتهولى انى انا ماتربتش ..حتى فى فرحى مالقتش حد واقف جمبى حتى اخواتى واصحاب قليللين جدا …المهم انا الماضى ده مطلعنى عندى كلاكيع فى شخصيتى اولا مش بحس ان حد بيحبنى خالص .. وديما متنشنه مع الناس ومابحبش حد يقرب منى قوى بسهوله وفى نفس الوقت ماعنديش صحاب خالص وانا الوضع ده مضايقنى انا نفسى اكون لذيذه ومحبوبه وواثقه فى نفسى خاصه انى متجوزه دلوقتى يعنى مسؤله عن اسره المفروض يبقى لينا علاقات سليمه ..على فكره جوزى بيحبنى جدا ..وكان بيحبنى من زمان بس لما جه وقالى ماكنتش قادره اصدقه ..تعرف انا لما كان حد معجب بيا بيحاول يقرب منى فى الكليه كنت ببعد عنه واتجاهله لحد مايطفش لانى كنت بقول ده اكيد عاوز يتسلى هوا هيحبنى على ايه ..بصراحه المشكله دى منغصه على عيشتى لانى مش عارفه اعيش منطلقه انا طيبه من جوايا وفيا حاجات كتير كويسه بس ماحدش بيشوف الحاجات ,,كل اللى ظاهر انى منطويه ومش مرحه ..يعنى الانطباع الاول عنى والتانى والتالت والعاشر زى الزفت لازم حد يصاحبنى ويقرب منى ..وساعتها بيحبنى جدا .. انا نفسى يكون دمى خفيف والناس تتبسط من وجودى خاصه ان اكتشفت ان فى ناس كتير بتسترخمنى ..وانا مش كده طيب تعرف انا فى البيت دمى خفيف ..المشكله انا كنت بقول انى لما هتجوز جوزى هيطلعنى من القوقعه دى ويجرانى على الاجتماعيات لكن المشكله ان جوزى برضوا عنده مشكله فى النقطه دى ..وشكرا ..وااااااسفه على الاطاله بس بجد انا مخنوقه قوى
إجابات ( 7 )
مرحباً أختي الكريمة ،
هناك بضعة نقاط عامة نرغب ان نؤكد عليك فيها لدورها الكبير في حل هذه المشكلة الشائعة للغاية :
1 – تخلصي من الماضي : حيث أن جزء كبير من المشكلة يرتبط باتصالك الزائد بحوادث مؤلمة حدثت في الماضي و تذكرك الدائم لها يسبب انخفاض ثقتك في نفسك .
2 – استغلي الوضع الجديد لبدء حياة جديدة : يعتبر الزواج من العلامات الفارقة في حياة كل شخص منا لذا لم لا تحاولي ان تنظري له كفرصة لبدء حياتك بشخصية جديدة تتحقق فيها كل الاشياء التي ترغبي ان تنفذيها .
و لم لا تتذكري أن هذه الشخصية الجديدة سوف تنعكس على زوجك و اطفالك ان شاء الله بشكل ايجابي مما يشجعك بشكل اكبر على التغير .
3 – لا تضعي ما يعتقده الناس عنك في تفكيرك : كلنا نعتقد أن الناس دائماً غير راضون و و لك نالحقيقة أن الناس غير مهتمون ، ربما يبدون لنا انطباع ما ايجابي او سلبي بناء على تجربة مشتركة ، و لكن الحقيقة هي انهم مستعدين لتغيير هذا الانطباع 180 درجة بمجرد اظهارك لسلوك مختلف نحوهم .
4 – لا يوجد ما يمنع : ان رغبتك في تغيير ذاتك لا يوجد ما يمنعها سوى ارتباطك بأثقال الماضي و احزانه ، لذا يجب ان تؤمني من داخلك ان التغيير سهل للغاية فقط ان قررتي ان تسيري طريقه حتى النهاية .
5 – لا بأس من التدرج : ليس من الضروري ان يكون التغيير سريع و عاصف ، حيث ان هذا بالتأكيد صعب على أي انسان ، و لكن التدرج في تحويل علاقتك بالناس و البدء باصدقائك المقربين ثم الاصدقاء العاديين و تغيير سلوكك معهم للشخصية المنفحة المرحة ، و بعد هذا ستكتسبي ثقة كافية لتعميم الأمر على كافة تعاملاتك .
6 – لا بأس من بضعة مطبات : يجب ان تضعي في اعتبارك ان اي تغيير في حياة الانسان مننا لابد ان يصاحبه عدد قليل من المطبات و المواقف الغير موفقة و المحرجة ، لكن تذكري دائماً ان هذه مواقف مؤقت ةفي صفحات حياتك الكبيرة ، كما أنها تجربة ضرورية لأكتساب الثقة الكاملة و التأكد ان الدنيا لن تنهار على خطأ واحد يصدر .
و في النهاية ندعو الله لك بالتوفيق في تغيير نفسك للشخصية التي تتمنيها ، و نحييكي بشدة عل ىرغبتك في التحسن و ان تكوني انسان افضل .
مع خالص تمنياتنا بالتوفيق و العافية ان شاء الله .
كلام جضرتك جميل بس اولا : ازاى اتخلص من الماضى انا فعلا مش قادره انساه خالص خاصة انى بقعد لوحدى كتير وكل الذكريات الوحشه دى بتالمنى انا فعلا نفسى انساه
ثانيا : انا نفسى اتغير فعلا علشان اعيش سعيده بس قولى حلول عمليه انا اغلب صدقاتى هشه وضعيفه واصحابى اللى فى الكليه هما اتنين كانوا اصحابى جامد بس بعد ما خلصنا وانا اتجوزت بعدنا عن بعض شويه
ثالثا : كلام الناس اختلف معاك …كلام الناس هوا مرايه للى احنا فيه فعلا خاصة لو كانو قريبين او فى نفس منطقتنا يعنى الحاجات اللى سمعتها عن جوزى قبل الجواز عادى لقيتها فيه …الناس مش هتفترى على حد يعنى ……انا نفسى اتغير بقى ..انا بيجيلى ارق بسبب التفكير فى المواضيع دى كلها …..شكرا يادكتور
حسناً أختي الفاضلة ،
الأمر نسبياً يختلف من شخص لأخر ، و يبدو من حديثك أنك تجدي بعض الصعوبة في اجتياز هذا التحدي بمفردك .
لذا نود ان نسألك هل فكرتي في الحصول على جلسات مساعدة نفسية تفصيلية لدى طبيبة نفسية ؟ حيث أن هذا الأمر يساعد بشكل كبير للغاية في مثل هذه الحالات البسيطة التي تحتاج فقط لنقاش و تحليل لخلفيات المشكلة بما يساعد على ايجاد الطرق الانسب لتخطيها .
لا الحقيقة ده محصلش لان مافيش دكتور نفسانى فى المنطقه اللى انا فيها …
مرحباً بك من جديد اختي الفاضلة ،
التحدى الأكبر في مثل هذه المشكلة هو كون النصيحة الالكترونية غير كافية لتخطي المشكلة ؛ حيث أن الأمر يتطلب انسان يتواصل معك بشكل مباشر و يدعمك و يشجعك على اتخاذ خطوات للتغيير .
و هذا الامر يمكن ان يكون في عدة صور دعينا نقترح عليك بعضها . .
1 – صديقة ترغب في مساعدتك :
رغم ان دائرة صديقاتك قد تكون ضيقة بفعل الوضع الحالي ، لكن ربما تجدي في هذه الدائرة الضيقة من هي أهل لثقتك و تتمتع في نفس الوقت بالمقومات التي ترغبين في تعلمها من النواحي الاجتماعية .
و الفكرة الاساسية تتثمل في تعبيرك لهذه الصديقة عن رغبتك في تغيير بعض جوانب شخصيتك و التماسك للعون و الدعم منها بشكل شخصي .
2 – دورات التنمية البشرية :
تمثل دورات التنمية البشرية لدى مدربين ذو سمعة طيبة بديلاً اقل صراحة للمساعدة النفسية المتخصصة ؛ حيث يمكنك الاشتراك في دورات تساعدك على زيادة ثقتك بنفسك و زيادة قدراتك الاجتماعية .
3 – المحاضرات الالكترونية :
تمثل هذه المحاضرات بديل اقل فاعلية ، لكن ان كانت كل الطرق الاخرى مغلقة يمكنك الانتظام على سماع محاضرات الكترونية عن المواضيع التي ترغبي في تطويرها في شخصيتك .
ما رأيك في هذه الاقتراحات ؟ هل ترين في أي منهما ما يمكن ان تقومي بتطبيقه ؟
اولا انا ماعنديش حد قريب منى احكى معاه بحريه..كان فى زمان لكن دلوقتى لا …
بالنسبه للتنميه البشريه كنت اتمنى ذلك ولكن انا اعيش فى بلد سياحى ومافيش الحاجات دى عندنا …واخيرا المحاضرات الالكترونيه هيا فعلا الحل المتاح ولكن انا محتاجه اتكلم مع حد …انا قريت كتير وماتغيرتش..
انا النهارده فى حد كلمنى من اصحابى القدام كان اديلنا فتره كبيره ماتكلمناش.بصراحه فرحت بالمكالمه دى خالص …شكرا يادكتور على اهتمامك
على الرحب و السعة اختي الكريمة ،
مرحباً بك في أي وقت .
اذا كانت الاتصالات مع الاصدقائ القدامي قليلة بفعل مشاغل الحياة ، حاولي ان تأخذي بزمام المبادرة انتي و تبادري بالاتصال بهم و اعادة جسور التواصل معهم .
مع خالص تحياتنا .