انا جالي انزلاق غضروفي يوم 17/8/2014 وطيت

انا جالي انزلاق غضروفي يوم 17/8/2014 وطيت وجيت اقف مقدرتش اتحرك من الوجع ال في ضهري جه واحد من ال بيعملو الضهر عملي الفقرات وشد رجليا بس برضو كان في وجع روحت كشفت بعد يومين عند دكتور عظام قالي عندك ضغط على الفقرات اداني حبوب ديمرا و اينوفيفن وقالي لو مرتحتش في خلال 10 ايام اعمل اشعة عادية على فقرات القطنيه جانبي .. انا مخدتش العلاج بس حسيت براحة بنسبة 80 % روحت برضو عملت الاشعة وروحت للدكتور قالي في شك يكون عندي عضروف قالي اعمل اشعة رنين .. عملت اشعة الرنين يوم 27/9 (في الفترة دي ولحد النهردة انا معنديش اي وجع الحمدلله بس عملت الاشعة عشان اتطمن) خدت الاشعة وروحت لدكتور مخ واعصاب يوم 3/10 بص في الاشعة قالي عندك غضروف وعملي فحص سرير عشان يشوف لو في وجع بس برضو الحمدلله مفيش قالي انت عندك غضروف بش مش واصل اي عصب و قالي القناة الشوكية عندي واسعة .. اداني برضو ديمرا و ميلجا و قالي اروحله بعد 3 اسابيع بس قالي عيش حياتك عادي و متفكرش فيه بس اهم حاجة احافظ ومشيلش حاجة تقيله .. انا بس عايز اعرف هو الانزلاق دا ممكن يروح وارجع العب حديد تاني لان انا نفسيتي تعبانه اوي لاني مبطل رياضة خالص