انا بنت مخطوبه و ان شاء الله فرحي يوم

سؤال

انا بنت مخطوبه و ان شاء الله فرحي يوم 31-7 , دورتي كانت بتتأخر اسبوع ل 10 ايام جت شهر 3 اتأخرت اخدت دواء سيدولوت نور لمده 3 اايام قرصين مانزلتش و تعبلي معدتي , و كملت 21 يوم الدكتوره اصرت اني اخد دوا اسمه cyclo progynova لمدة 3 شهور لتظبيط ميعادها كانت بعد الدواء بتيجي تقريبا يوم 26 , خلصته , وفرحي ف 31-7 و حاجزه من شهر 2 ماينفعش ادي ميعاد صح , المهم قالتلي الدكتوره لما تخلصي الدوا تعالي و هظبطلك الدوره عشان الفرح , روحتلها اخر شهر 6 اول يوم الدوره , اديتني دوا اسمه ستيرونات دا بتاع الحج , المهم قالتلي اخده من يوم 11-7 لغاية يوم 15-7 يعني لمده 5 ايام حبيتين واحده مع الفطار و واحده مع السحور و هتنزل بعدها ب 3-5 ايام , خدته نزلت يوم 19 الصبح بألم خفيف افرازات بنيه مش تقيله و وقفت و تاني يوم مانزلش حاجه خالص بليل مع الحركه و المشاوير نزلت افرازات بنيه كتيره مع نقطه دم واحده ووقفت و بعد كدا لمدة يومين افرازات خفيفه جداااااااا جدا بنيه و وقفت و بعد كدا افرازات صفره خفيفه تميل للابيض و وقفت , الفكره اني لما روحت للدكتوره قالتلي دي مش دوره حقيقيه دي اصطناعيه قولتلها يعني مش هتيجي الا بعد شهر؟ قالتلي لا ممكن اي وقت بس الاحسن انك تاخدي دوا ستيرونات دا تاني من يوم 25-7 لمدة 15 يوم و توقفيه ………….. مع اني بشرب حاجات تنزلها (قرفه و مراميه و جنزبيل ) بيجيلي احيانا الم ف ظهري بس و ساعات بيروح
انا خايفه اخد الدوا مره تانيه , هل فيه خطوره؟ و لو عملت سونار دلوقتي هعرف هتنزل الفتره دي ولا لا؟ ولا اعمل تحليل هرمونات اعرف منها هتنزل تقريبا امتى؟ و لو فيه تحاليل اسمها ايه …. شكرا و ارجو سرعه الرد

2014-07-25T00:00:54+03:00 3 إجابات
0

إجابات ( 3 )

  1. member2
    0
    2014-07-25T01:33:34+03:00

    اللي عايزه اعرفه هي كدا دوره ولا لا , و كمان ينفع لو حسيت بيها ف البدايه او ابتدت خفيف ينفع اخد الستيرونات دا ولا لا؟ عشان مش عايزه اخد ادويه تاني الا لو مضطره

  2. member2
    0
    2014-07-25T23:34:24+03:00

    السلام عليكم اختي الكريمه 🙂

    نود ان نبارك لكي اختي الكريمه وندعو الله ان يتمم فرحك على خير 🙂

    نود ان نوضح لكي اختي الكريمه ان هذه الافرازات التي نزلت عليكي يوم 19 وما بعدها ليست دوره حقيقيه وانما هي دوره مصطنعه من تاثير تناول الدواء وهذا امر طبيعي مع هذا الدواء ,,,,

    اما بخصوص استفسارك حول امكانيه اخذ هذا الدواء عند احساسك ببدايه نزول الدوره فنود ان نوضح لك ان هذا الامر لن يفيد شئيا فعند بدايه نزول الدوره , فان تناولك للدواء لن يؤدي الى منع نزولها وذلك لان الدواء لن يحدث تاثيرا بسبب تناوله في موعد متاخر ,,,,

    لذا فالافضل في مثل حالتك هو تناول الدواء تبعا لتعليمات الطبيبه المعالجه لكي وان تاخذي الدواء بدءا من يوم 25 كما اشارت عليكي الطبيبه وذلك لمنع نزول الدوره في الفتره القادمه وحتى مرور موعد زفافك على خير ,,,,

    نود ان نطمئنك اختي الكريمه فلا يوجد ضرر من تناول الدواء مه اخرى طالما انه وفق تعليمات الطبيبه المعالجه لكي ,,,,

    اما بخصوص تحاليل الهرمونات فهي لن تعطي اجابه شافيه حول موعد قدوم الدوره الشهريه لذا لا يمكن الاعتماد عليها وكذلك السونار لان التغيرات التي تحدث في الرحم وتظهر في السونار غالبا ما تكون واضحه في اثناء الدوره الشهريه نفسها او قبلها بيوم الى يومين وليس فتره كبيره ….

    تمنياتنا بزفاف مبارك وحياه سعيده 🙂

  3. member
    0
    2014-07-25T23:58:35+03:00

    شكرا 🙂

‫أضف إجابة