الشك

الحكايه بدأت منذ عامين و نصف ….. حبيت بنت اصغر منى و استمرت علاقتنا سنتين و نصف حتى الان .. المشكله تتمثل فى الاتى … احنا اما حبينا بعض انا كنت وفى جدا ليها بس هى مكنتش و فيه ليا و غلطت فيا كتير و كانت بتعمل حاجات من ورايا بس انا كنت بعرف و سامحتها كتير لحد اما حلصت مشكله كبيره جدا فى السنه الاولى و قررت انى اسبها و فعلا سبتها و فى الوقت ده والدتها كانت عرفت كل ال مبينا و سبنا بعض لفتره بس هى رجعت تكلمنى تانى و مع الوقت رجعنا اما اثبتتلى انها فعلا اتغيرت و بقت كويسه و والدتها وفقت اننا نستمر مع بعض لحد اما تدخل الجامعه و اخطبها ….. و استمرت العلاقه ما بينا حتى الان بس المشكله انى بشك فيها فى موضوع معين و هو انى بش فيها انها معجبه بواحد صاحبى و سبب الشك ده بدأ ان اما كنت كل اما انزل فى حته تقولى هو هيروح معاك و حاجات زى كده و فى يوم اتخانقت معها على الموضوع ده و قالتلى انها اما عرفتنى ده كان صاحبى ال بقولها عليه و ال كنت بنزل معاه كتير على عكس الباقى و انه كمان ساكن قدامى و قالت انى مجنون انى بفكر فى ده و خلص الموضوع بس الشك فضل جوايا لحد دلوقتى و بقاله اكتر من سنه تقريبا و لقيت حاسس انه مرض لانى اليوم ال بنزل مثلا معاه بقيت بقارن اشوفها هتكون مبسوطه فى اليوم ده و لا لأ و انزل فى يوم تانى مع واحد تانى و اشوفها هتكلمنى بنفس الطريقه و لا لأ .. يعنىًبقيت بقارن تصرفاتها فى اليوم ال بنزل معاه و اليوم ال بنزل مع ناس تانيه و فى حاجات كتيره زى مثلا فى رمضان كان فى اعلان لممثل على نفس اسمه الاول و قالتلى ان الاعلان عاجبها ف شكيت و قعدت اقول اشمعنى الاعلان ده و بجد بقيت حاسس ان مخى مش بيفكر غير فى كده و بجد تعبت جدا من ده و اكتر من مره كنت هسيبها بس مش بقدر لانى خايف يكون ال جوايا دى مجرد اوهام و اظلمها لانها بتحبنى جدا و انا بحبها و فى نفس الوقت مش قادر اعيش حياه طبيعيه كل حاجه بعملها بحساب يعنى مثلا مش بكتب حاجه على الفيس لانه ممكن يعملى لايك و لو هى كلمتنى و كانت فرحانه هشك فيها انها مثلا شافت ال لايك بتاعه فا فرحت و حاجات زى دى كتير جدا .. بجد تعبت جدا و نفسى فى حل و مش عارف ال جوايا ده حقايق و لا اوهام