السلام عليكم ورحمه الله وبركاته انا

السلام عليكم ورحمه الله وبركاته
انا اسفه بس موضوعى طويل شويه انا والدتى كانت كويسه جدا ومش فيها اى حاجه هى عندها ضغط وسكر من 25 سنه الكلى بتاعتها كانت سليمه ومش فيها اى حاجه ولا عمرها اشتكت منها كان كل اللى تشتكى منه صديد البول والدكتور قال ان بيجى بسبب السكر والسنه اللى فاتت عملنا مزرعه والدكتور كتب لها على حقن اميكاسين 10 حقن وريمكتان ومن اول ما خدتهم تعبت اوى ووقفت اكل نهائى وقىء على طول ووجع فى معدتها وللاسف من غلط الدكتور بعد ما كملنا الحقن كلها الدكتور قالنا اعملو تحليل وظائف كلى الكرياتينين وقتها كان 10 وقال لازم تروحو على المستشفى على ما روحنا المستشفى وحللو هناك تانى طلع الكرياتينين ل 11 دخلوها غسيل فورا خدت اربع غسلات وبطلت الحمد لله وخرجنا من المستشفى والكرياتينين كان 5 وقالولنا كل اللى هتعملوه تظبطو ضغط وسكر وتتشرب ميه كتير من حوالى اربع شهور رجليها الاتنين ابتدو يورمو قالولنا دى ميه ف الرجل وامشو على اللاسيكس والكرياتينين من وقتها وهو 3.3 او 3.4 وهو حاليا 3.8 وروحنا لدكاتره كتير عشان سمعنا ان فى ادويه بتنشط الكل وتنزل الكرياتينين لكن مش بيدونا اى حاجه كا اللى بيعملو يقولو ظبطو ضغط وسكر ومن اربع ايام الضغط عالى اوى ومش عايز ينزل او يتظبط باى دوا روحنا للدكتور قال من الكلى عشان الوظائف عاليه شويه لكن كل اللى عمله قالو ادوها كيتوستريل عشان بيخفض الكرياتينين انا باستسمحكم تساعدونى فى الموضوع ده انا ماما تعبانه فععلا ودايخه بيها من المستشفيات للدكاتره وللاسف مش فى اى حد بيساعدنى اديها الدوا ده ينفعها ولا اعمل ايه وشكراااااااااا