أضف إجابة
يجب عليك تسجيل الدخول او التسجيل لتستطيع اضافه إجابة .
السلام عليكم ورحمة الله وبركاته بنتى
سؤال
السلام عليكم ورحمة الله وبركاته
بنتى عندها 4 سنوات ومن حوالى 3 شهور نزل عندها دم مع البراز (الدم اللى بينزل لونه احمر وكان بكب دم مع البراز رحت لدكتور اطفال ادانى مطهرات ومضاد حيوى ورجع الدم نزل تانى بعدها بايام رحت لدكتور باطنى ادانى برده مضادات حيوية ومطهرات للبطن وفيتامين كاف بعدها بحوالى اسبوع نزل الدم تانى كلمت الدكتور قالى كررى الدوا كرررته برده اتقطع لفترة ورجع نزل تانى بعت هنا استفسر الجواب كان انى اروح لدكتور جراح المهم رحت لاستشارى جراحة قالى ده من الشرخ الشرجى عندها وهو اللى بيعمل كده
رجع الدم ينزل تانى يتقطع كام يوم او اسبوع او اسبوعين ويرجع ينزل تانى نفس الشكل كانى بكب دك وهى بتعمل براز رحت للجراح تانى قالى نفس الكلام وكنت عملت تحليل براز مرتين مرة والدم موجود ومرة من غير وجوده مفيش اى شىء عندها
المهم رحت مستشفى الجهاز الهضمى كشفت عليها الدكتور قالى دى حاجة اسمها زيادات بس عشان نتاكد هنعمل منظار ليها من قبلها بكام يوم والدم بقى بينزل بصفة يومية كل ما تعمل براز لغاية الان بقالها 7 ايام ووشها اصفر وخايفة عليها جدا
وهى اصلا اكلها ضعيف مش عارفة اتصرف ازاى مع العلم ان المستشفى حددت المنظار يوم الثلاثاء القادم يعنى كمان 3 ايام بس انا خايفة من المنظار ده واسمع انه بيجرح ودى طفلة مش عارفة هيكون نظامه ايه هيدخلوه من فمها ولا منين وكمان انا كده صح وكلام الدكتور صح ولا ايه ارجوكم تفيدونى لانى خايفة جدا جدا على بنتى وقاقانة اوى من نزول الدم ده وكتره خايفة يكون حاجة وانا اتاخرت عليها ف علاجها ولا ايه بالظبط
وجزاكم الله خير
إجابات ( 2 )
رقم الاستشارة : 14083
دى كانت اول استشارة مع بداية نزول الدم عندها
مرحبا أختي الفاضلة ,
مناظير الجهاز الهضمي متعددة , وتشمل :
-منظار المعدة , والمرئ .
– منظار القولون .
لذا أغلب الظن أن ابنتك ستجري منظار للقولون .
– يتم عن طريق فتحة الشرج , ويعطي المريض مخدر .
– يتم ادخال انبوبة طويلة عن طريق فتحة الشرج , لتصوير القولون .
– لا داعي للقلق , فالمنظار غير مؤذي ولا يؤدي لحدوث نزيف , يفضل اجراؤه لتأكيد التشخيص .
مع تمنياتنا لابنتك بالشفاء العاجل .