أضف إجابة
يجب عليك تسجيل الدخول او التسجيل لتستطيع اضافه إجابة .
السلام عليكم …. انا اسفة لو هطول شوية
سؤال
السلام عليكم …. انا اسفة لو هطول شوية بس الموضوع تاعبنى نفسيا جدااااا فا ارجو الاهتمام
انا انسة و عندى 20 سنة الدورة عندى كانت منتظمة لحد من حوالى 8 شهور ابتدت تتاخر
كانت الاول بتتاخر شهر او شهر ونص وبعدها اتاخرت 3 شهور ونص وروحت لدكتورة كتبتلى على حقنه عشان تنزلها فى خلال 10 ايام بس اخدت الحقنة ومعملتش حاجة وروحتلها تانى بعدها بحوالى 20 يوم كتبتلى على برشام علشان برده ينزلها وقالتلى اخده مره كل ست ساعات لمدة 24 ساعة وكتبتلى على تحاليل هرمونات اعملها تانى يوم الدورة …
و فعلا لما اخدت البرشام ده الدورة جات تانى يوم بس فضلت حوالى 10 ايام مع ان هى فى الطبيعى بتفضل 4 ايام بس
ولما خلصت فضلت كل كام يوم ينزل كام نقطة دم لحد ماجاتلى المرة اللى بعديها بعد شهر ونص ….
المهم عملت التحاليل تانى يوم الدورة ووديتهالها قالتلى نتيجة التحاليل كويسه ومفيش اى خلل فى الهرمونات
وعملتلى كمان صونار عشان تطمن على المبايض وقالتلى برده مفيش اى حاجة وان سبب التاخير هو ان وزنى زايد شوية مع العلم انى 67 كيلو و طولى 156 سم يعنى مش زايدة كتير
وقالتلى لو الدورة اتاخرت تانى اخد البرشام ده تانى …
المهم جاتلى بعدها بحوالى شهر ونص وكنا ساعتها فى نص شهر 12 وفضلت 4 ايام عادى
و لحد دلوقتى مجاتش تانى مع انى اخدت البرشام اللى كتبتلى عليه من حوالى اسبوعين وبرده مجاتش…
و فى حاجة قلقانى جداااا ان بيجيلى وجع فوق الفخد جنب حوض الميه بيوقف رجلى خالص مش ببقى قادرة احركها ولما قولتلها عليه قالتلى انه القولون مع ان عمرى ما كنت بعانى من القولون
الوجع ده بيجيلى لما الدورة بتتاخر بس
و فى ملحوظة تانية يا دكتور هى انى لما الدورة بتتاخر بيحصلى افرازات ليها ريحة و لونها بيبقى بنى وساعات شفاف
هل ده ممكن يكون تكييس مبايض يا دكتور او كيس دهنى على المبيض بس الدكتورة معرفتش تشخصه صح ؟؟؟؟
ارجوك تهتم بتفاصيل الموضوع يا دكتور لانه بجد قالقنى جدا جدااا و خايفه لا قدر الله ياثر على الخلفة ولا حاجة لانى هتجوز فى خلال سنة
متشكرة جداااا …. تحياتى
إجابات ( 3 )
مرحباً أختي الكريمة ،
بداية نود الاستفسار منك عن بعض المعلومات الاضافية اذا تكرمتي . .
هل تصاحب ظهور هذه المشكلة من 8 شهور مع أي ضغوط نفسية شديدة او مشاكل أسرية ؟
هل انتي منتظمة على ممارسة رياضة بمعدل مرتفع ؟
هل عانيتي من قبل من سوء تغذية او انيميا ؟
هل لديك أي مشاكل في الغدة الدرقية ؟
هل من الممكن كتابة الاسماء العلمية للحقن و البرشام الذي تناولتيه ؟
هل الافرازات صاحبها حكة موضعية ؟
في انتظار توضيحاتك و سوف نتابع معك الامر بإذن الله . .
مع خالص تحياتنا .
_نعم كان يوجد ضغوط نفسية ولكن ليست شديدة و لم تكن طوال ال8 شهور ولكن على فترات متباعدة
_لا لم امارس اى رياضة الا الرقص فى اوقات الفراغ بصورة غير منتظمة و على فترات متباعدة
_ لا لم اعانى من اى مشكلات سوء تغذية او انيميا
_لا ليس لدى مشاكل فى الغدة الدرقية
_اسم الحقنة على حسب ما انا عارفة اقرا الحروف هو cidolnt dipe واسم البرشام هو mezotac
_ لا لايوجد مع الافرازات اى حكة موضعية
مع خااااااااااالص الشكر والتقدير 🙂
حسناً أختي الكريمة ،
هناك احتمالية ان تكون المشكلة مرتبطة بدرجة من درجات تكيس المبايض ، حيث يقع ضمن الأسباب الأكثر شيوعاً وراء انقطاع الدورة الشهرية .
لذا فإننا نفضل ان تحصلي على رأي طبيب اضافي للطبيبة التي تتابعي معها من خلال فحص عيادي مباشر و سونار من أجل الاطمئنان لا أكثر .
مع تمنياتنا بالشفاء العاجل ان شاء الله .