أضف إجابة
يجب عليك تسجيل الدخول او التسجيل لتستطيع اضافه إجابة .
السلام عليكم … اخي عمرو 33 سنه متزوج
سؤال
السلام عليكم … اخي عمرو 33 سنه متزوج يعاني من ظهور انتفاخات في فروة الراس . حاول يتعالج كتير بس الدكاترة خبروه انو ما في علاج للمرض الي بيعاني منو .هادا كان التشريح النهائي لحالتو final diagnosis _features are in favor of perifolliculitis capitis abscedens et suffodiens “dissecting cellulities of the scalp “. _ clinicopathological correlation and follow- up is of value لو في مجال اتواصل مع حدا من الدكاترة المختصين وانا ممكن ابعت صور لفروة الراس او اي من الاوراق او الفحوصات الي ممكن تساعدونا فيها .
إجابات ( 7 )
مرحباً اختي الفاضلة ،
نعتقد ان الأفضل لحالة أخيك الكريم هو المتابعة المباشرة مع احد الاطباء ذوي السمعة الجيدة في بلدكم الشقيق ، لكون المشكلة تتطلب في علاجها و متابعتها اكثر من مجرد صور .
و بشكل عام فإن البيانات المذكورة تشير لوجود التهابات في فروة الرأس تتطلب انتظام على العلاج و متابعة دورية مع طبيب جلدية للتأكد من استجابة الجلد للدواء بشكل مناسب بإذن الله .
مع خالص تمنياتنا بالشفاء العاجل .
دكتور شكرا الك على الرد ..بس اخي حاول كتير عنا بفلسطين وبعدين طلع على الاردن منشان بتعالج وعلى هادا الاساس اعطوه علاج لياخدو وحكولوا انو هادا المرض ما رح يأدر يتعالج منو بشكل نهائي … انو حتى لو اتعالج رح يرجعلوا … ومن الادوية كان Isotretinoin Cap>>> وكمان Curatane >>>
متى بدأ الكورس العلاجي أختي الكريمة ؟
دكنور من بعد ازنك بس في شغلة غفلت احكيلك عنها .. انو بالاردن شخصو المرض على اساس انو معو تلوث بالدم وعلى هادا الاساس ضل بالاردن مدة متئطعة اول مرة 10 ايام في الاردن كان كل يوم ياخد 4 ابر والمدة التانيه 15 يوم وكمان اخد فيهم 4 ابر يوميا “100 ابره” لحتى عن طريئ الاخراج يتخلص من كل الدم المتلوث في جسمو… بس ما استفاد … ورجع راجع اطباء في الخليل واعطوه هاي الادوية بس ما بدا بالعلاج فيهم لانو الدكتور الي اشرف عليه حكالو انو الموض رح يرجعلك…
نرجو معذرتك أختي الكريمة ،
و لكننا نود منك ان تعيدي صياغة المشكلة من بدايتها لنهائتها في رد واحد على هذه الاستشارة حتى نتمكن من فهم المشكلة بالتتابع الزمني السليم لها لشعورنا بوجود خلط في المعلومات .
اوك.
اول ما ظهر المرض تم تشخيصو بفلسطين على انو دمل في الرأس عمل عمليه وشالو الدمل وبعد فترة ظهر اكتر من انتفاخ واحد .فطلع على الاردن وهناك متل ما حكيت انو اخد ابر على اساس معاه تسمم بالدم وبرضو ما استفاد واخر اشي استشار دكتور عندنا في الخليل فأعطوه الادوية الي دونتها فوء بس الدكتور الي اشرف عليه حكالو انو هادا العلاج رح يستمر مدة 4_6 اشهر وممكن يرجع الو المرض بس هاي الادويه لسه ما صرفها …ما بلش بالكورس لانو الاعراض الجانبية الي بتسببها الادوية تئيله شوي وبما انو ما رح يستفيد من الادوية فما صرفها لهادا الوئت …
حسناً أختي الفاضلة ،
نشكرك على سعة صدرك و ايضاحك للمسألة .
للأسف فإن مشكلة المرض المسمى بــPerifolliculitis Capitis Abscedens et Suffodiens ، أنه مرض ذو طبيعة مزمنة رغم أنه نادر ، مما يجعل ألية حدوثه و الأسباب وراؤه غير مفهومة بالكامل .
احتمالات الشفاء التام من هذه المشكلة تكون ضعيفة للأسف الشديد ، لكن في نفس الوقت فإنه ليس مرض مهدد للحياة في أغلب الحالات ، و يمكن التعايش معه و تقليل أضراره من خلال الانتظام على الدواء و المتابعة الدورية .
أهم ما يجب على المريض الانتباه له هو تجنب الاصابة بتسمم الدم مرة أخرى لأن هذه مشكلة صحية جدية و قد تهدد الحياة في حالة عدم علاجها بشكل مبكر لا قدر الله .
مع خالص دعواتنا بالشفاء ان شاء الله .