أضف إجابة
يجب عليك تسجيل الدخول او التسجيل لتستطيع اضافه إجابة .
التهابات كعب القدم
سؤال
من حوالي ك شهور ابتديت احس بالم في كعب رجلي اليمين من باطن الكعب من تحت ولمه روحت لدكتور قال انها التهابات وطلب مني تحاليل وبعدها اداني مسكنات ولمه مرتحتش روحت لدكتور تاني وطلب مني اني اتابع مع دكتور علاج طبيعي واني اخد مسكنات وفضلت فتره حوالي شهر ونص ومكنش في تحسن كانت مجرد تسكينات للالم وبعدها عرض عليا اني احقن كريتزون حقنه كده تمنها 15 جنيه قلقا منها وروحت لنفس الدكتور الاول واداني الحقنه وقالي انها مضاده للالتهابات سكنت معايا الالم خالص لمده شهر وبعدها ابتديت اني احس بيه تاني بس مش بنفس القوه وابتديت اتابع في البيت مع كمادات مياه ساقعه وكريمات وتمارين بسيطه بس ليه في الم وساعات يروح احساسه بس مكانه موجود وسعات يرجع ويكون شديد بس مش نفس الالم الاول وانا لحد دلوقتي مش عارف ايه التشخيص المظبوط الي اقدر اتعالج بيه من الالم ده
إجابة ( 1 )
مرحبا بك في قسم الاستشارات ,,,,
اغلب الظن ان هذا الالم الذي تعاني منه بسبب التهاب النسيج الاخمصي للقدم وهو ما يسبب لك الاعراض الا انه لا يمكننا الجزم بذلك بدون الذهاب للفحص العيادي لدى طبيب عظام لفحص القدم جيدا وعمل اشعه سينيه على القدم لتاكيد التشخيص ومن ثم وصف العلاج المناسب تبعا للفحص ,,,,
علاج التهاب النسيج الاخمصي يشمل :
وضع أكياس الثلج على المنطقة المصابة بهدف تخفيف الألم والالتهاب .
العلاج الطبيعى والتمارين .
استخدام المسكنات ومضادات الالتهاب مثل : Ibuprofen أو حقن موضعى للستيرويد .
استخدام أجهزة أو أحذية خاصة بهدف تحويل الضغط عن المنطقة الملتهبة قدر الإمكان لإفساح مجال للشفاء .
الجراحة : فى حالات التهاب الغشاء الأخمصى للقدم يتم إجراء جراحة Plantar Fascia Release والتى تهدف لارخاء الغشاء الاخمصى عن منطقه الكعب لتخفيف الضغط .
الوقاية من تكرار هذه الحاله :
تبقى الطريقة الفعالة الوحيدة للوقاية من المرض هى علاج أى التهابات أو أمراض تصيب القدمين أو المفاصل فى هذه المنطقة
ارتداء أحذية مريحة وتجنب القيام بمجهود عنيف على القدمين .
فقدان الوزن فى حالات السمنة لتخفيف الضغط على مفاصل القدمين والكعبين .
تمنياتنا بالشفاء العاجل