أضف إجابة
يجب عليك تسجيل الدخول او التسجيل لتستطيع اضافه إجابة .
ارجو المساعدة ضرورى
سؤال
السلام عليكم ورحمة الله وبركاته
شكرا على ردك يا دكتور
انا هحكى لحضرتك مشكلتى وياريت مزعجش حضرتك
انا من حوالى 3 سنين اتعرض لضغط نفسى جامد
ومكنش حد جمبى
وكنت وحيدة اوووى
ودخلت فى مود اكتئاب
وبعدها بفترة ابتددت معايا اعراض غريبة
كنت بقوم من النوم سقعانة وجسمى كله بيترعش
وبعدين بقيت مبحسش بجسمى كله
وبعيط عياط هستيرى
بحس انى انا مش انا من التعب
وافكارى متلغبطة
لفيت على دكاترة كتيرة
وعملت رنين على المخ
وكان كله الحمدلله كويس
المهم الحالة دى عندى من ساعتها بتزيد وتقل
بتزيد بعد اى تعرض لزعل او توتر
وكان بتزيد قبل الجواز مع الدورة الشهرية
ورجعت تانى ليا بعد الولادة
حاسة انى مش مبسوطة المفروض ابقى فرحانة بابنى بس حاسة ان الحالة دى منغظة عليا حياتى
احساس انك ديما حزين الفرحة مش كملة بسبب الموضوع ده
حتى يوم فرحى
وكمان انا ديما بانب نفسى على اى حاجة وكل حاجة
ديما عايشة فى الماضى وديماا بقول لو مكنش حصل كده مكنتش تعبت
نفسى اوى اخف عشان اسعد زوجى وابنى
امبارح كنت منهارة تقريبا واول مرة اعد اتكلم مع زوجى بصراحة فى الحالة دى بس بعد ما اتكلمت معاه ارتحت لو حتى بنسبة 50 %
المشكلة انى مش عارفة الحالة دى بسب ايه وكل ما اسمع مرض افتكره عندى كل ما اسمع قصة وحشة افتكرها هتحصلى
ديما قلقانة على زوجى وابنى
لدرجة انه لو اتاخر بره شوية وهو بيشترى حاجة ببقى هتجنن
حاسة كمان انى مش عارفة احدد هدف لحياتى
او بقيت احس ان الايام كلها شبه بعض وديما افكارى متلغبطة
وبسبب السيبان اللى فى جسمى ده بقيت بحس انى مش قادرة امسك حاجة او اشيل حاجة
بقيت بحس انى عاجزة وااقل من غيرى
رغم انى مكنتش كده خالص
انا كنت نشيطة جداااااااااااا
بالله عليك يا دكتور ساعدنى
نفسى اوى افرح بحياتى واسرتى
انا عندى 25 سنة على فكرة
إجابة ( 1 )
مرحباً أختي الكريمة ،
بدايةً فإن تلك الأعراض التي تعانين منها بدأت عندما استسلمتي للاكتئاب منذ 3 سنوات ، و تركتي تلك ذلك الوحش البغيض -الاكتئاب- يهاجم حياتك و يدمرها ، و لم تقاوميه بشكل كافي رغم أن كل الادلة تشير أنك سليمة عضوياً 100% ، و هذه نعمة لو تعلمين عظيمة .
هذه كانت البداية و أصل المشكلة . . .
أما الآن و تطور الأعراض بعد الولادة فيرجع الى حالة القلق النفسي الشائعة عند الامهات بعد الولادة -خاصة بعد ولادة الطفل الأول- ؛ حيث تبدأ الامهات في النظر للطفل و تراودها شكوك و هموم حول كم المسئوليات الضخمة الملقاة على عاتقها .
و واقع الأمر في هذه المسألة أن الأنسان عدو ما يجهل ، و لأن الأم لم تجرب مسألة الأمومة من قبل تخشاها بشكل زائد مما يسبب لها قلق و توتر . و هي في ذلك تتناسى أن الله قد وهبها قدرة طبيعية على احتواء طفلها و العناية به بشكل كامل دون ان تشعر بملل و هي في ذلك يدعمها زوجها بكل ما يستطيع و تدعمها جميع اسرتها بالنصائح و الخبرات التي تمكنها من القيام بدورها على أكمل وجه .
هذه الام هي أنتي ، و عليك ان تتأكدي 100% أن ستكوني على قدر المسئولية .
و الآن نعود للاكتئاب الذي سبق ان استسلمتي له منذ 3 سنوات و مازال يسعى لتدمير حياتك . .
يجب ان تقفي مع نفسك و تواجهي هذا الاكتئاب و هذه الأوهام السوداوية و تخبريها أنك لم تعودي تصدقي بها بعد الآن . . عليك أن تخبري نفسك أن الله رحيم بعباده و ان تزيدي من قربك لله حيث ان هذا هو الملاذ و الملجأ الأمن لكل قلب مضطرب .
و ربما يكون من المفيد لك أيضاً ان ترتبي للحصول على جلسات مساعدة نفسية تقومي خلالها بالنقاش في مشاكلك و الامور التي تقلقك مع طبيب نفسي يساعدك في التغلب عليها بالتقنيات النفسية و السلوكية العقلية المتنوعة .
وفقك الله لحياة سعيدة تكوني فيها منتصرة على الحزن و القلق و الاكتئاب عما قريب بإذن الله .