السلام عليكم انا عاوزة اسال عن جلطة

سؤال

السلام عليكم
انا عاوزة اسال عن جلطة الساق بتبقى ايه اعراضها
بالله عليكم عاوزة اطمن
انا بابا بقاله يومين بيشتكى من الم جامد فى رجلة اليمين الالم فى كل الرجل يعنى من فوق لتحت بيتنقل و مش قادر يحدد اذا كان الم عضلات و لا الم عظام ولا ايه بالظبط
هو بيحس كأنه نار فى رجله و مش بيقدر يتحرك
وراح لدكتور اعصاب كتب مسكنات كتير اوووى ومفيش فايدة
الالم بيزيد وبيحط مراهم ولا بتاثر وبيعمل كمادات مية دافية بس حاسس بالم رهيب
الدكتور قالة لو فضلت كده خلال يومين اعملى رنين
عشان اعرف اى السبب بالظبط
بس انا عاوزه اطمن هل ممكن تكون جلطه ولا ايه انا خايفة تكون جلطة
و هو من اكتر من 10 سنين عمل عمليه غضروف فى 4 فقرات
و تسليك عصب بس من بعدها بقى كويس خالص الحمد لله
بالله عليكم حد يطمنى

2014-04-09T19:22:11+03:00 1 إجابة 0

إجابة ( 1 )

  1. مرحباً أختي الكريمة ،

    بداية نؤكد أنه من الضروري مراجعة طبيب جراحة في أقرب وقت لعمل دوبلر بشكل مبدأي لتقييم الدورة الدموية في القدم و تحديد ما اذا كان هناك شك في وجود جلطات أم لا .

    نود ان نستفسر منك عن بعض المعلومات من اجل فهم افضل لطبيعة المشكلة . .

    ما هو عمر والدك ؟

    ما هو طوله و وزنه ؟

    هل يعاني من ضغط او سكر ؟

    هل ألم القدم مصحوب باحمرار ؟

    هل ألم القدم مصحوب بتورم ؟

    هل هناك ارتفاع في درجة الحرارة ؟

    هل هناك أوعية دموية بارزة في القدم بما يشبه الدوالي مثلا ؟

    هل تعرض الوالد لأي حادثة في القدم مؤخراً ؟

    متى يزداد الألم و متى يخفت ؟

    في انتظار توضيحاتك على هذه الاستفسارات الهامة و سوف نتابع معك الأمر بإذن الله . .

    مع تمنياتنا بالشفاء التام و العاجل لوالدك ان شاء الله .

‫أضف إجابة