أضف إجابة
يجب عليك تسجيل الدخول او التسجيل لتستطيع اضافه إجابة .
السلام عليكم، لو سمحتم أنا والدتي
سؤال
السلام عليكم، لو سمحتم أنا والدتي رجلها تعبانة ومش بتقدر تمشي عليها وفوجئت ان طلعلها في رجلها دايرة حمرا بارزة (زي كورة ناشفة كدة تحت الجلد) ولما روحنا لدكتور قال لها انه التهاب خلايا واداها علاج اكستروما ولما خدته الدايرة الحمرا زي ماهي بس الورم الناشف اللي تحت الجلد بدأ يقل. وبعد كدة عملت تحاليل عظام من كتر الألم اللي في رجلها والنتيجة كانت كالتالي: تحليل عظام ASO: 431 تحليل ANA: negative تحليل CRP: Negative تحليل روماتويد: Negative 10.1 وفي دكتور قال لها تاخد حقنة بنسيلين اسمها (بنسيتارد) كل أسبوعين وكتبلها أولفين 50 تاخد كبسولتين في اليوم وأسبرين أطفال كبسولتين في اليوم هي خدت انهردة الحقنة التانية بس للأسف وهي راجعة من الشغل من أسبوع وقعت على رجلها واتعورت عند ركبتها وفوجئت انهردة (بعد أسبوع من الوقعة) ببقعة زرقاء في نفس الرجل تحت الجزء اللي كان وارم قبل كدة (علماً بإن هي قاست الضغط وطلع عالي كمان) هل البقعة الزرقاء دي لها علاقة بالضغط ولا العظام؟ لأننا خايفين تظهر حاجة تانية وياترى ايه أفضل علاج لوالدتي عشان موضوع رجلها لأن مشط رجلها تاعبها جدا وركبتها كمان ورجلها بتشد عليها ومش بتقدر تقف عليها خالص وبتتعب بسرعة أرجو ردكم وسعة صدركم وآسفة على الإطالة جزاكم الله خيراً
إجابات ( 3 )
مرحبا اختى الكريمة…
لا توجد علاقة بين الأعراض المذكورة وارتفاع الضغط، كما ان البنسلين ليس علاجا في هذه الحالة لأنه يوصف لحالات الحمى الروماتزمية وهو ما لا ينطبق على الأعراض المذكورة.
ننصح بإجراء الكشف العيادي لدى طبيب أمراض الروماتيزم والتأهيل وأمراض المناعة مع عمل تحليل صورة دم كاملة وتحليل سكر بالدم ومراجعة الطبيب بنتائجهما.
تحياتي.
لو سمحت يا دكتور، هي بيطلعلها بقع زرقاء في رجلها وكل يوم تزيد البقع دي
تتوقع ده يكون بسبب ايه احنا روحنا انهردة نعمل لها تحليل صورة دم كاملة وسكر زي ماحضرتك قلت
بس البقع الزرقاء دي كل شوية تزيد في رجلها وكمان هي على طول بتحس بدوخة
ياريت حضرتك تطمني أو تقول لي ده ممكن يكون بسبب ايه وياترى لو روحت لدكتور عظام هيكون مختص بحالتها لأني سمعت ان دكتور الروماتيزم بيكون دكتور عظام
أتمنى منكم الاستفادة وجزاك الله خيرا
هناك احتمال ان تكون البقع أحد الأمراض المناعية التي تصيب الجلد لذا لابد من عرضها على طبيب مختص وعلى دراية بهذه الأمراض المناعية وهذا ما يتوفر في طبيب الروماتيزم وليس طبيب العظام “وهما تخصصين منفصلين تماما”.
التاريخ الصحي هنا غير كافي لإعطاء احتمالات تشخيصية، لذا لا بد من العرض على الطبيب.