تأخر الدورة

انا عندي 28 سنه متزوجة من 4 سنين و محصلش حمل لما عملت فحوصات طلع عندي نسبة تكيس و كسل في المبايض اخدت منشطات و لكن اشك انه مكانش في جماع بإنتظام في اوقات التبويض بعدها زوجي سافر سنه و خلال السنه دي كنت باخد علاج السيكلو بروجينوفا من تاني يوم في كل دورة قبل بداية هذا العلاج كانت الدورة منتظمة بتيجي كل 30 ل 35 يوم بعد ما بدأت هذا العلاج بقت تيجي كل 28 يوم بالظبط زوجي نزل اجازة بعد 6 شهور من اخداني لهذا العلاج و في وقت نزوله عملت حقن مجهري و لكن فشل الدورة تأخرت و عملت سونار كان في كيس حمل و لكن فاضي و كل تحاليل الحمل كانت سالبة اول ما اوقفت المثبتات كيس الحمل نزل تماما و فضلت انزف 15 يوم كان السقوط ده بتاريخ 30 مايو 2017 و كان مصاحبه الام مبرحة و لكن الحمد لله الرحم كان نظيف و محتاجتش لعملية تنظيف او كحت في هذة الدورة رجعت اخد السيكلو بروجينوفا تاني و جت الدورة التانية بتاريخ 1 يوليو 2017 و لكن في هذه الدورة قررت اني اوقف السيكلو بروجينوفا من نفسي دون اخبار الطبيب لأني حسيت انه مش يبعمل حاجة اكتر من انه بيخلي الدورة تيجي كل 28 يوم و بس بالعكس انا قرأت انه ممكن يمنع حدوث حمل اثناء اخدانه و كمان عملي زيادة في الوزن فوقفته لخذه الاسباب و سافرت لزوجي و لحد دلوقتي الدورة لسه مجاتش عندي الاعراض الاتية: تعنية و مغص شبيه بمغص الدورة و لكن بشكل مضاعف و تقلصات و اسهال ممسك و ضغط جامد في المسانة و الم بالوسط و اسفل الظهر ممتد للمؤخرة و احيانا يمتد للعضو الانثوي و الفخذ و في انتفاخ بسيط في الثدي و حكة شديدة في حلمات الثديين و بالاخص الثدي الايسر سؤالي هو هل ممكن دي تكون اعراض ايقاف السيكلو بروجينوفا؟؟
و هل ممكن ايقاف السيكلو بروجينوفا يكون سبب في تأخير الدورة؟؟؟
هي متأخرة لحد دلوقتي حوالي 3 او 4 ايام هل دي مدة اقدر اقول ان كدة الدورة متأخرة اصلا؟؟
و هل دي ممكن تكون اعراض حمل ؟؟؟و حصلت معجزة الاهية و اكون حملت دون علاج و لا منشطات ؟؟
انا اتعقدت من تحاليل الحمل و مش عايزة احلل الصراحة من كتر ما كنت دايما بعمل و بتطلع سالبة.
ارجو الرد على اسئلتي بإستفاضة و شرح و ارجو ارشادي و اعطاء النصيحة لأني في هذا الموال بقالي 4 سنين من المنشطات للهرمونات للتحاليل و فعلا تعبت شكرا لسعة صدركم