السلام عليكم …انا عندى مشكلة معقدة

السلام عليكم …انا عندى مشكلة معقدة شوية ….البداية وانا فى اولى اعدادى رحت لدكتور جلدية وتناسلية علشان كان عندى مشكلة عضوى الذكرى حجمه صغير وكذلك الخصيتين ….الدكتور ادانى حقن سيدوتستون لمدة شهرين …حصل نمو ملحوظ الى حد ما …بس من بعد ما حصل النمو ده لحد الوقت محصلش نمو تانى وحجم العضو الذكرى والخصيتين فضل زى ماهو من ساعة النمو البسيط الملحوظ الى انا قلتلك عليه ده …انا الوقت عندى19 سنة ولا يزال حالتى زى ما هية …وكمان شكلى زى ما هوه شكلى شبه الاطفال بالظبط ملامح وشى طفولية ومظهرش اى علامة بلوغ على وشى …وكمان انا عندى تثدى ….ولاحظت انه فى السنة الى فاتت حجم الثدين عندى كان بيتزايد بشكل ملحوظ …وعلى الرغم انى عادى يعنى بحس زى اى شاب بالشهوة ناحية الستات وكنت بمارس العادة السرية عادى ….الا ان انا كنت حاسس ان انا عندى وفرة من البرولاكتين …وكنت بحس فى الفترة الى فاتت احاسيس غريبة ….يعنى انا كنت بحس دائما انى عاوز افضل طفل زى ما انا او انى اتعامل كطفل واتخيل نفسى انى بتعامل كطفل مدلل …..الاحساس ده كنت بحاول اقاومه كتير ….لانه كان واضح انه الاحساس ده هوه السبب فى زيادة نمو الثديين عندى …لانه مثلا فى لو كنت بقعد احس الاحساس ده لمدة اسبوع وافكر التفكيرات دى لمدة اسبوع كان حجم الثديين بينمو وبحس بنموه بشكل ملحوظ …بس انا مازلت بحاول اقاوم الاحساس ده لانى عارف انه بسبب نسبة البرولاكتين الى عالية عندى وبسبب الغدد الثديين الى بتخلينى ببقى حاسس انى نفسى اتعامل كطفل بمعنى انى اتحضن او احس انى طفل مدلل …انا بحس بالعار بسبب انى بحس الاحساس ده وكمان بحس بالعار بسبب كبر حجم الثديين وعشان كده بحاول اقاوم الاحساس ده بكل الطرق…ده غير انى بقيت مرهف الحس بشكل over …يعنى لو شوفت مشهد تلفزيونى مؤثر بعيط واحيانا بعيط حتى لو كان المشهد مفتعل ….وحابب اذكر حضرتك بانى زى ما قولتلك انا شاب زى اى شاب شهوتى ناحية الستات بس …يعنى انا مش عاوز يكون شكلى زى الستات …الموقف تازم عندى لانى بقيت مبعرفش انام وكمان بقى شعرى بيوقع بشكل كبير اوى…مش بس شعر راسى لكن كمان شعر الى حولين العضو الذكرى …وبحس بالاكتئاب …..المهم ….انا من خمس شهور لنفس الدكتور الى انا رحتله وانا صغير ….وقولتله انه محصلش نمو تانى فى الخصيتين والقضيب من بعد الحقن الى انا ختها من 5 سنين….الدكتور كان عندى اصرار رهيب انه عدم النمو ده حاصل بسبب انه انا تخين ووزنى 107 كيلو ….والدكتور كمان كان بيعملنى بقرف او بيعملنى كحد فاشل عشان يستفزنى ويخلينى اخس ….وقالى حرفيا “مش هتتحول لراجل غير لما تخس”….بس انا اصريت انه المشكلة اكيد بسبب اضطرابات الغدة الدركية ….فطلب منى تحليل هرمونات ذكورة ….والتحليل كان واضح من نتيجته انه انا عندى نسبة كبيرة من البرولاكتين ونسبة صغيرة من التيستوسترون ….الدكتور طلب منى اخد حقن سيدوتستون تانى بس المرة دى لمدة 3 شهور حقنة كل اسبوعين …من شهرين كنت انا اخدت كل الحقن زى ما طلب الدكتور …النتيجة حصل نمو كبير ملحوظ اكتر فى العضو الذكرى وكمان حصل تغير كبير فى جسمى ككل يعنى طولى زاد بشكل ملحوظ جدا …..على الرغم انى كنت طويل اصلا فى الاول ….وكمان بدا يظهر شعر فى عندى شنبى وشعر خفيف عند دقنى ….وكمان بدا يظهر عضلات فى درعاتى وكمان كف ايدى كان صغير وحجمه كبر …وكمان نومى رجع مظبوط زى زمان وبقيت بنام 7 او8 ساعات لكن فى الاول كانوا 5 ساعات بالعافية ….بس المشكلة انى مازلت حجم الثديين كبير ومازلت بحس بنفس الاحساس الى انا بردو مازلت بحاول اقاومه …ومازال ملامح وشى طفولية على الرغم من نمو الشعر الى عند شنبى …انا مش عارف ايه الحل…انا حاليا لسا منتهى من امتحانات الثانوية العامة …وفى الطريق الى الجامعة ….انا عندى تثدى بشكل كبير ….ببقى مكسوف البس تيشرت ….وكمان لا يزال نسبة البرولاكتين كبيرة وده الى بيخلينى اشعر بنفس الاحساس ….وكمان ما زلت شبه الاطفال …وكمان اكتر حاجة مخوفانى انه ميحصلش نمو تانى فى العضو الذكرى وانه يفضل زى ماهوه ….هوه اينعم حصله نمو بشكل ملحوظ ولكن وكمان سمكه زاد بشكل ملحوظ وكمان حتى عند القذف بقذف كمية كبيرة من المنى …بس انا عاوز اعرف ايه مشكلتى بالظبط …..انا عاوز يحصلى نمو طبيعى …هل هيحصل ولا هضطر اخد حقن تانى ……الحقن عملتلى ضرر كبير لانه نسبة كبير من شعر راسى وقعت وكان علامات الصلع بدات تظهر عندى . ..انا عارف ان انا كاتب استشارة طويلة وكمان كاتبها بطريقة عامية شوية ….بس ارجو من حضرتك انه حضرتك تتعب شوية فى قراية استشارتى وانا شاكر ليك وللموقع الكبير ده والى بيسمح للناس انهم يقدموا استشارات طبية فى حجات محرجة وبتوفروا علينا الخجل الى بيحصلنا لما نروح لدكتور والسخرية فى بعض الاحيان ….شكرا جزيلا.