السلام عليكم ورحمة الله وبركاته كل

السلام عليكم ورحمة الله وبركاته كل عام وانتم بخير .. من فضلكم ليا استفسار بخصوص المقال ده اللي بيخص وزن الطفل بيحدد معدل ذكاءه في الشهور الاولى .. انا عندي توام ولدين عمرهم دلوقتي سنة وشهرين بس لما اتولدوا كان وزنهم 2 كيلو ونص تقريبا وكنت برضعهم طبيعي بس الا في اول شهر كان في لبن مكمل ومش علطول كنت بستعمله يعني من تاني شهر تقريبا وقفت الصناعي واعتمدت على اللبن الطبيعي بس في ناس كتير اقنعوني ان اللبن الطبيعي افيد حتى مع التوائم وان اللبن الصناعي مضر فاضطريت اسمع بالنصيحة وفضلت ارضعهم طبيعي بس لغاية سن خمس شهور وكنت ناوية لما يتموا السادس ادخل غذاء مكمل لكن رحت لدكتور اطفال لان وزنهم كان قليل وقاللي لازم تدخلي لبن مكمل وانهم كدة مش هيعوضوا الوزن اللي ناقصهم .. السؤال بقى هل انا كدة اتصرفت غلط وهل فعلا ممكن اللي انا عملته يكون اثر بدوره على معدل ذكائهم ؟ ارجو الرد ضروري وجزاكم الله خير لينك المقال https://estisharty.com/news/n-68