السلام عليكم ورحمة الله مشكلتى فى

السلام عليكم ورحمة الله
مشكلتى فى الام الكليتين والاملاح بدات من حوالى ٥ سنوات تقريبا كنت اتعب واكشف واخد علاج واخف ويرد التعب تانى وهكذا والتشخيص كان بين املاح والتهابات ورمل ومن سنه و٦ اشهر تقريبا تعبت وعملت اشعه طلع عندى حصوة والدكتور قالى عندك دوالى ف الخصيه وعملت تحليل ساءل منوى وطلع ١٠٠ مليون والحمد لله وعملت اشعه ع الخصيه طلعت سليمه ! واتعالجت والحصوة اتفتت والحمد لله الان بقي مشكلتى ان التعب جالى تانى ف جنابى الاتنين من حوالى اسبوعين والتعب ف شكل عدم راحه فى جنابى والام فى الناحيتين بس مفيش حرقان ف البول وعملت تحليل بول طلع فيه املاح فوسفات والبول قاعدى ونسبة صديد من ٧-٩ ووظايف كلى الحمد لله طلعت سليمه عملت اشعه تلفزيونية طلع ان المثانه متبقي فيها نص لتر بول بعد التبول (مع العلم ان وانا بعمل الاشعه دى الدكتور عملى الجزء الاول منها وانا مزنوق جدا ف الميه وبعدين قالى روح الحمام فضي وتعالى ولما خرجت كان دخل حاله تانيه فاستنيت حوالى تلت ساعه على م دخلت عملى الجزء التانى من الاشعه فهل ممكن يكون ف التلت ساعه اتجمع نص لتر مع العلم انى كنت شارب ميه كتير جدا ) كمان دكتور الاشعه شاكك ان فيه تضخم ف الكلى وقالى ان عصب المثانه فيه مشكله روح لدكتور مسالك يديك حاجه تقوية المهم اخدت الاشعه وروحت لدكتور طلب منى اشعه صاعده عشان يشوف فيه انسداد ولا ايه بس انا قلقت من موضوع الصغبه فمعملتهاش وروحت لدكتور تانى ( هى الاشعه بالصبغه فيها خطر عليا او حاجه تخوف او موانع معينه من ان اى حد يعملها ؟) طلب منى الدكتور التانى انى اعمل اشعه تلفزيونيه بس فى مكان تانى عملتها وطلعت سليمه لا فيها بول متبقي ولا تضخم بس كتب ف التقرير ان الاشعه الصاعده recommended! فدكتور المسالك قالى اللى تاعبك نزلات برد متكرره ف جنبك والتهابات واملاح وادانى علاج فانا قبل ميعاد الاستشارة عملت اشعه تلفزيونيه تالته ف مركز كبير زى اللى عملت فيهم الاشعتين السابقتين وطلعت سليمه بس فيه ٧٠ سى سى متبقي فى المثانه ودكتور الاشعه قالى مفيش ارتجاع على الكليتين هل الاشعه التلفزيونية بتبين اذا كان فيه ارتجاع ولا لا؟ فوريتها للدكتور فى الاستشارة قالى فيه ضيق ف عنق المثانه والحالبين ودا اللى مش بيخلى الميه كلها تنزل وجدد لى العلاج وقالى لو مخفتش هتعمل اشعه بالصبغه بعدين منظار مع العلم ان الاعراض اللى بشتكى منها دلوقتى هى الام بسيطه ف الجانبين من ورا خصوصا وانا نايم وكمان الام ناحيه اليمين تحت القفص الصدرى فى البطن بحس ان فيه حاجه هتنفجر فيها او مشدوده وبحس بحرقان ساعات او الام فيها وكمان حاسس ان فيه غازات او انتفاخات ولما اجى اتبول بنزل كمية بول ولو فضلت قاعد مقمتش كل دقيقه او نص دقيقه بنزل شويه بول صغيرين خالص فهل اى حد كدا ولا ايه المشكلة بالظبط اللى عندى ولا انا اصلا معنديش حاجه وازاى الاشاعات مش زى بعضها ؟! فيه حاجه كمان انا كنت بعمل العادة السرية واوقات بعدها اجى اتبول احس ان البول محبوس مش راضي ينزل وينزل بالعافيه بس الحمد لله انا بطلت فهل دا له علاقة بالموضوع والعلاج اللى باخده الان سيستون وفوار يوروسولفين وميلوجين باسط للعضلات ويورينكس ومضاد حيوى سيبروفلوكساسين والدكتور كاتب لى حقن كتافلام ٣ حقن دلوقتى انا محتار اعمل اشعه تلفزيونيه رابعه ولا اروح لدكتور تانى للتشيخص يكون غلط ولا اعمل ايه افيدونى وعذرا ع الاطالة وجزاكم الله خيرا