انا بنت عمري 23 سنة انا مصابة بوسواس

انا بنت عمري 23 سنة انا مصابة بوسواس قهري و من 3 سنين بلش عندي ولحد الان ما شفيت منه قرات كتيييير ع النت سواء مواقع اجنبية او عربية عن كيفية التخلص منه و عن العلاج السلوكي و ..و.. يعني ماتركت شي عن هلمرض الا و قراته احاول التطنيش بس ماعم احسن خواتي الاتنتين نصحوني ان اطنش و ما ارد بس ما خلصت من الوساوس ،انا وقت يلي بلش عندي المرض كانت الوساوس يلي تخطر ع بالي ع الخفيف و لما بتجيني الفكرة كنت كرر الشي يلي عم ساويه،اول المرض الوساوس يلي تخطرلي افكار جنسية و كتير بضايق لاني بحس حالي مو منيحة و احيانا بقول لحالي مالي متل هالبنات بحس حالي مالي طبيعية بس هلآ من فترة طويلة هل الافكار خفت شوي و صار يخطرلي اشخاص سواء بعرفن او لا سواء سيئين منن ضايقوني او منن سيئين بس ما عملولي شي او حتى اشخاص بعرفن و ما اذوني…حتى بيخطرولي اشخاص غريبين ما بعرفن و كل مايخطرولي بتضايق كتيير مع انو ما بعرف ليش عم يخطرولي و لا بيهمني امرن و بتعلق معي يعني بكرر الشي يل عم ساويه “”ممكن تقولولي ليش هيك عم يصير معي ليش بيخطرلي اشخاص”””و كل مابقول بدي طنش ما عم تزبط يعني مثلا بدي اشتري شي او في مناسبة او اي شي بيخصني في يوم معين بقول لحالي خلص بس اشتري هالشغلة او يعدي هاليوم رح ابلش اطنش
و بعرف انو هي الافكار و الوساوس كلها وهم و الشي يلي عم اعمله غلط “يعني وقت يلي عم كرر الفعل ” بس كتيييييييير عم اندم لانو ما عم احسن اطنش و عم يروح عمري ع الفاضي و كتير بدايق و بندم ندم شديد وقت يلي كنت بالجامعة و روحت احلى ايام عمري و ما قدرت اطنش علما اني من الاوائل بالجامعة و وقت كانت تطلع النتائج تبع الاوائل و بلاقي اسمي بنبسط بس ما بحس بهل الفرحة يلي لازم افرحها ، حتى اني بعمل كتيير تاجيل ع شغلات بدي اعملها و بقول بس اخلص من الوسواس
و اوقات بيصير معي اكتئاب يعني يمكن اكيد لانو معي وسواس صلي اكتئاب بحس احيانا مالي مشتهية ادرس او اشتغل و احيانا بالعكس بحس حلي متفائلة
بس في شغلة خواتي البنات الاتنتين كان معن وسواس و قدروا يتخلصوا منه و بدون دواء ،في عندي حكي كتير بس منشان ما اطول كتير
لو سمحتوا بدي دواء يخلصني من هالشي مع انو بعرف الاعتماد ع الدواء ما بيكفي لازم الواحد يشتغل ع حاله
بتمنى الدواء يكون منيح و بس تقولولي ايمتى ممكن لاقي فرق عليه
بتمنى الدواء ما يسبب النعاس او هلوسة او اي شي ماكويس ع الصحة الذهنية لانو انا عندي دراسة و بعد شهر فحصي …… او حتى ماياثر ع الاعضاء النسائية لانو انا من زمان كنت اخذ دواء لتاخر الدورة بسبب اكياس ع المبايض
ارجو الرد لانو حالتي سيئة و ما عم اتهنى بشي و شكرا مسبقا